خرجو_وبيستاهل
شرح المشكلة
كتير عما لاحظ عليه موبايلو بإيدو 📱
اذا فاق بيمسكو .. وإذا أكل بيكون حده .. حتى إذا نام بيعبطو 😑
هالشي خلى الفار يلعب بعبي .. حركاته مو طبيعية .. صرت أتلفت حوليه لحتى فهمت انو عما يحكي مع وحدة عالفيس .. وعامل حساب فيس وهمي مسميه (( العاشق المتيّم )) حتى يقدر يغازل على كيفيه.
فورا" فتت عالحساب ماعندو غير صديقة وحدة إسمها (( الفراشة الذهبية )) يبلاها بقتلا بتشبه كلشي إلا الفراشة .. حاطة صورتا متمكيجة ومزينة حالا .. طالعة بتشبه صحن المسبحة وقت نجيبو من المطعم😁
ولا شعراتها فلافل 😁
رد فعل الزوجة
اول شي انقهرت كتير، وصعب كتير اقبل بالخيانة العاطفية، بس .. هديت شوي واخدت نفس عميق وفورا نشرت منشور عالفيس مشان يساعدوني الصبايا وأقدر راقب بروفايلو ☻
_ماشالله الصبايا بالكروب بخيطو للبرغوت قميص .. ساعدوني وعطوني اسم برنامج مراقبة وراقبتو😁
اول ليلة راقبتون بالفعل المحادثات مو طبيعية عشقان أخونا بالله لشوشتو .. ومسمي حالو (( تيم )) 😏
وهوي أسمو (( سعدون )) الله لا يسعد ايامو .. واتفق هوي وياها على كلشي .. الزواج .. والسكن .. وووو الخ 😢
سكرت الدردشة لانو كان رح يسكر قلبي من الوجع .. صرت بدي فكّر على خطة جهنمية ابعدون عن بعض .. ويترك النت نهائيا" 😭
ضليت أسبوع بالكامل راقب الدردشة .. كرمالون عما يتطورو .. حب .. وغزل .. وهيام .. وشو لابسة ؟؟ وشو وشيّات 😭
الخطة
فكرت بخطة .. عملت حساب لضابط بالجيش وبحبشت على صورة على جوجل للاقيت اكتر صورة لضابط بالجيش بخلي الواحد يستهاب منها ..
ووين في صفحات للجيش .. وتم الدعس على الدواعش .. إلا ما اشتركت فيها 😁
وعبيت صفحتي معارك طاحنة .. وصواريخ .. وهواوين 😁
جهزت كلشي .. وصورت المحادثة يلي بينو وبينا ..
المزيد .. الأب هو الأمان.. قصتي مع أبي
تنفيذ الخطة
عالسهرة ونحنا سهرانين فورا" فتحت على صفحته (( العاشق المتيّم))
قلتلو : ولك سعدون 😡
رد علي : مين سعدون انا اسمي تيم 🙄
قلتلو : خراس ولك .. منك عرفان مع مين عما تحكي ..انا بعرف اسمك الثلاثي .. وبعرف عنوانك .. وبعرف رقمك 093375*** وحتى بعرف الداية يلي ولدتك 😡 وحتى اسم المطهّر 😡
_ وهي صورة المحادثة مع شخص بهمني .. إذا عاد بتفكر تحكي مع هالبنت أو مع غيرا بدي ادفنك تحت سابع أرض .. ويا ويلك ها .. اسمك صار بكل الحواجز 😡
........
النتيجة
........
جوزي حمرن وخضرن وصفرن وصار يتأتأ .. 😂😂
فورا" سكر حسابه .. لغى كل التطبيقات من فايبر .. وواتس .. وفيس .. وايمو 😂
شال بطارية جوالو وشلفا فوق الخزانة 😂
وكل الليل يصلي قيام الليل 😂
وهلق كل شوي يروح ويرجع ويقلي ادن العصر ولا لسا ؟؟😂😂
بقلمي ...
نصيحة
جربيها_ما_بتندمي_
هاد_جنس_نمرود_سيد_راسي😂😂😂
برجع أكرر وأعيد هالسردات من خيالي. . مالي علاقة فيها. . بس اذا صارت معي رح سويها😂
مواضيع متصلة
الخيانة العاطفية هي وجودَ علاقةٍ خارج إطار الارتباط الزوجي، سواء كانت هذه العلاقة عبارة عن كلمات مباشرة عبر مراسلات
، او اتصال هاتفي، او لقاء بغية هدف عاطفي وما
يترتب عليها من احاسيس متبادلة وايحاءات، دون الاتصال الجسدي.
الخيانة الزوجية عبر مواقع التواصل الاجتماعي
حكم الخيانة الزوجية بالهاتف
نفسية الزوجة بعد الخيانة
علامات ندم الزوجة بعد الخيانة
حكم الشرع في الزوجة التي تخون زوجها عن طريق الإنترنت
علامات الخيانة العاطفية للزوجة
علامات الخيانة الإلكترونية
حكم الخيانة الإلكترونية
تعليقات
إرسال تعليق