البداية
الزوج لمرتو: يابنت الحرام
ياغبية ... ياحمااااارة انتي مابتفهمي
انا كم مرة قلتلك وقت بدي اتصل لازم يكون تلفونك الارضي مو مشغووول
يلعن ابوكي على ابو هالترباية العاطلة 
مع مين عم تعلكي ااااااه مع مييين
الزوجة: والله مع امي عم احكي 
الزوج :لك يلعن ابوكي على ابوهاااا .. تاخدك لعندا ليش تاركتك عندي اه ..حسابك بالبيت لاجي بس
وطبش السماعة بوجه مرته الحزينة ...
بنتها : ماما .. ليش عم تبكي
اخ يابنتي الله يسامحو ابوكي شو عم يعمل فيني
المشكلة
ماما ماتبكي ..
والله يانور ماعم اتحمل ...
شو ذنبي اذا ..ذريتنا كلها بنات ...
شوذنبي انا .. اذا شغلو قليل ..
شو ذنبي انا .. اذا احواله كلها سيئة
عم اتحمل الضرب والاهانة .. كرمالكم
والله لو وضع بيت جدك .. بيتحمل لروح اسكن عندهم
بس بيت جدك يالله عم يلاقو الاكل والشرب
ماما حاج تبكي والله انا بحبك
وبعد ساعة ..
فات زوجها ومعصب .. قلها وين السم الهاري .. وين الاكل
ردت وقالتلو .. ليش حضرتك جبت طبخة اطبخها
اذا ماعنا شي بالبراد 
يلعن ابوكي على ابو هالبيت المنشح 
سمااااع لقلكككك ...انا ماعاد اسمحلك تسب ابي
لك ابي ميت .. ومابتجوز عليه غير الرحمة
انت عم تستغل وضعي اني مالي حدا ..
عم تستغل فقر اهلي ..انو مالي مكان روح عليه
صحيح انا ساكنة ببيت فقير ..بس متحملة كرمال بناتك
تذكر .لما ابي . .. وصاك فيني
تذكر ..لما اجيت لعنا عالبيت مابتملك ليرة ..وقلك انا ياابني عطيتك لانك رجال ..
تذكر .. لما كان يعزمنا يشيل الاكل من قدامو .. ويحط قدامك .. ويقلك بنتي امانة
يامااااا ... كان يبهدلني ويزعل مني بسببك ..وانت كنت تكذب عليه .. وتحط عليي كلام شي صار وشي ماصار
١٤ سنة متزوجتك .. ماسمعت منك كلمة حب
انا ماتزوجتك هيك ..ولا كانت اخلاقك هيك
ذريتنا بنات ؟... هي شغل الله ..مو شغلي ولاشغلك
روووح اسأل الناس .. يلي ماعندا ولاد شو عم تحلم بضفر بنت او صبي ..
اطلع فيا نظرة حاقدة ...وراح من البيت عم يكفر ويسب
وهي ضمت بناتا الاربعة وصارت تبكي معون ..
الصغار ..بكيو ..ع بكى امهم ..
تطور الخلاف
الزوج ؛ الوووو
اليوم ... جايين انا ورفقاتي نسهر ونلعب شدة
زبطي الوضع .. نيمي قرداتك
وخلي عدة السهرة ..شاي وقهوة واراجيل والشدة
فهمتي ... وطبش بوجهها السماعة 
اجت الشلة تبعو ..وبلشت الشدة
وصياحهم وكفرهم ومسباتهم وصلت لاخر الشارع ..مو محترمين جيران ولا حتى حرمة بيت هنن فيه ..
اجت هالمسكينة .. نامت جنب بناتا
والتفت بهالبطانية يلي اكلها العت .. والفسفس
بعد ساعتين من نومتها
سمعت اصوات غريبة بالغرفة يلي سهرانين فيا الرجال
قلتلك قص اللعبة الك ..
بس انت حمار ..
انت بتطلع ستين حمار .. ومالازم حطك شريكي باللعب
وطورت الكلمات .. لوصلت للضرب
وتطبيش كلشي بالغرفة ..
وصوات هالرجال بين طولوا بالكم وبين الحق عليك وعليه
اتصلوا بالاسعاف ...
الصياح عليي اكتر ..
المسكينة قاعدة بغرفتها عم تبكي ومابتعرف شو تعمل
بعد شوي ..
راحت ااالاصوات كلها
فتحت باب غرفتا .. ماشافت غير الدم وتكسير اساس البيت
وباب الدار مفتوح ...
في الصباح اجت الشرطة ..
وطلبت الزوجة للشهادة
وحكت يلي بتعرفه ... انو ماسمعت غير اصوات
قلها الشرطي..
نهاية مأساوية
للاسف يامدام .. احد الرجال قام بضرب زوجك
على رقبته بسكين
قطع الاحبال الصوتية ...
خسر صوتو ..
بكيت من قلبها ..
رغم كل الاسى والالم يلي شافتو منه
بس ماقدرت تكتم حزنها
راحت عالمشفى لعندو
ورمت حالا عليه ..وتبكي وتقلو
والله ماحبيت يصير فيك هيك
14 سنة عم تضربني ..وتذلني وتشتمني
مادعيت عليك
ليش الله انتقم منك هيك
هي نتيجة الكفر يلي كنت تكفرو
الله شل لسانك
حكاية الزمن
مرت سنوات ...
والاب ..يأشر بايده
ويبكي .. على حرمانه نعمة الصوت
لوقت ..كبرت بنته
وطلبها شب .. حبها وحبته
هز براسه .. ووافق على زواجهم
مرت الايام والسنين
الزمن دوار
اجت بنتو ..عم تبكي
بابااااا ...ماماااااا انا مابقا اتحمل عيشتي معو
عطول ..بيضربني ..وبيسبني
اقل كلمة بيقولا يلعن ابوكي
شبعت ذل يابابا ...
انتفض الاب ..عصب وصار يأشر ويئن
وطلع من البيت ..رايح ع بيت بنتو ليضرب صهرو
لان ..بنته غالية عليه
بنتو ..مابتنضرب ...ولابتنسب
بنتو .. االمدلله
وهو بالطريق ...
ندم متأخر
رجعت فيه الذاكرة ل ١٥ سنة ..وقت كان يسب
ويضرب مرته ..
تذكر .. انه ماكان الها اب ..يدافع عنها
تذكر انه مالها حدا ..يجن نفس جنانو هلق ..
وقف .. واندار باتجاه بيتو .. وهو عم يبكي
لان عرف .. انو الدين يلي دينو لمرتو .. هلق بلش يستوفيه
بعد شو ...
بعد مافقد صوتو ..ليعتذر
بعد ماحرق قلب مرتو ..وهيي بعز شبابها
بعد .. ما سب وشتم رب العالمين
صدق من قال ...
النهاية
اذا مالك اب .. فكرك مالك رب ؟
لزوجة_امانه_لم_تخلق_للاهانة والله_بيمهل_بس_مابيهمل 
مارأيكم .....
استخدمت اللغة المحكية لايصال الصورة ببساطة اتمنى ان تعجبكم
ردحذف