مغازلة شامية

 

 

" يا بنت روحي لعند دكتور نفسي بترتاحي "

وعلى نصيحة رفيقتي قررت روح  ، اول ما فتت لعندو

استقبلني استقبال حلو  ، عاملني كأني ضيفة عندو وما سألني من شو بتعاني !

كنت ناطرتو يبلش حكي ، بس كان ناطرني احكي أنا ، قلتلو انا عم مر بمرحلة كآبة وهالشي خلاني فكر بالأنتحار ... 

هز براسو وقلي شو اكلتي اليوم ؟

قلتلو مقلوبة وسكت

صار يسألني اسئلة حسيت انو عم يحاول يخليني فضفض!

واحكي اللي جواتي بدون ما يضغطني ... 

وانا بنص الحديث صرت صرخ ، قلي كملي 

كملت ، خلصت جلستي وطلعت 

ولمدة شهر كامل كنت روح ، كنت احكي رح اتحسن اكيد 

وبس حالتي النفسية هيي هيي ، كنت حس بشي ناقصني

وبعد ما خلصت الفترة !

كان من المفروض حس بتحسن 

بس انا ما تحسنت لأنو هالشي كنت اعملو كل يوم مع رفيقتي

كانت كل يوم تقعد تسمعلي، ولما صرخ تصير تصرخ معي ، ولما أضحك تضحك معي، بس خسرتا حسيت اني خسرت كلشي 

دقيتلا ..

_ ألو 

_ أهلا كيفك

_ بينفع قلك اني مو منيحة!

_بدون ما تحكي حسيت من صوتك وين انتي ؟

_ بحديقتنا ... 

بعد نص ساعة لقيتا عندي ، شبك

قلتلا تعبانة ..

قالتلي من شو ؟

قعدت فضفضلا وصرخ وهيي تصرخ معي، بدل ما تخفف عني، احكيلا مصيبة تحكيلي عشرة قبالا ، بعدا فتنا بمليون موضوع ، وصوت ضحكنا وصل لاخر الشارع 

 بآخر الحكي حسيت راحة نفسية مو طبيعية!

قلتلا بتعرفي؟

قالتلي شو

من يوم ما زعلنا من بعض ما حسيت بهالشي، كان الكل يحكيلي شو يعني صاحبة وراحت !

قلون بس هيي كانت الآمان والراحة، رحت عند دكتور نفسي شاطر وما قدر يعالجني متل هالقعدة معك 

وقتا عرفت انو انا مو بحاجة لدكتور نفسي ، انا بحاجة لرفيقة تفهم وجعي، لبنت متلي متلا ما ما بحتاج كتير  فسرلا لانو هيي بتعرف كلشي بحياتي! 

الصديقة الحقيقية هيي احسن دوا بعز وجعك وضعفك ...💚!