مغازلة شامية

 

 

عيد الام من ذاكرتنا..

لا تعرف الأمهات الكلل أو التعب أو الملل، حتى في أشد حالات المرض والتعب..

امي في سطور

تؤبرني يلي بس تشوفني ماسكة الجوال بتقلي تركي هالزفت من إيدك😆 

 

_تؤبرني ملكة القنص و بطلة الرماية بالشحاطة😆  

_ تؤبرني يلي وقت تعصب بتقول 

تاركتلكون_البيت_ورايحة_وما_تعرفوا_وين_أراضيي😆 

_تؤبرني يلي اذا قلتلا رجليي عما يوجعوني ؟! بتقلي بس تتركي هالزفت من إيدك #بتطيبي😆 

_تؤبرني يلي بتفيق من طين الصبح .. قال شو ؟! بدها تعزّل😆 

_ تؤبرني الحنونة يلي وقت تشوفنا زعلانين ، بتزعل 

وقت تشوفنا فرحانين ، قلبها بينبض فرح❤ 

_تؤبرني يلي وقت ما لاقي طلبها ، بتقول .. 

اذا_قمت_ولقيتووووو؟! 

_ تؤبرني يلي بتعصب فجأة مدري ليش ؟!! وبتروق بسرعة😆 

_تؤبرني يلي اذا قلتلا طلعلي فرع بالجامعة فنون جميلة 

بتقلي بنت_خالتلك_طلعلا_فنون_أجمل😆 

_تؤبرني يلي اذا سمحتلي اطلع مشوار بتقلي بتروحي الساعة 6 وبترجعي الساعة 7 ، 

بس تصير 6:05 بتقول طوّلت هالحيوانة😆 

_ تؤبرني يلي كانت تقلي ياريت بتعرفي تخططي مستقبلك متل ما بتعرفي تخططي حواجبك😆

عيد الام

_تؤبرني يلي كانت تقلي انتي عيارك عند جوزك يومين وبطلقك انتي متل طنجرة العيرة😆

_تؤبرني يلي بتفتح الصبح  شبابيك البيت والأبواب بعز زنطير البرد ونحنا لسا نايمين،   مشان تهوي البيت ويتعقم قال هيك بتموت الكورونا 😆

 

_تؤبرني الحنونة ، الطيبة ، العطوفة ، أم قلب كبير وحضن واسع  كل عام وأمهاتنا بألف خير وصحتهم بألف ألف خير 

ويرحم الأمهات أجمعين ❤❤❤

بقلمي❤

ست_الحبايب_ياحبيبة_ياأغلى_من_روحي_ودمي❤

happy_mothers_day

 هامش..

اجزم جزما كليا في اننا مررنا بذكريات مشابهة ..

كبرت ياأمي وعرفت شو يعني كون ام ...

 تضحيات الام..

- لا تبخل الأمهات على أطفالهن الصغار بالألعاب الجميلة  ووسائل الترفيه الممكنة، والنزهات القصيرة، والاكلات اللذيذة التي تدخل السعادة على قلوب اولادها، حتى لو كان ذلك على حساب اقتطاع جزء من المصروفات المنزلية الأساسية في ظل الظروف الصعبة.

- تفضل الأم أطفالها على ذاتها، وتعمل بجد على تحضير الطعام اللذيذ  وتنظيف  البيت وترتيبه والملابس وكيها ، تقدم كل وسائل الرعاية والاهتمام باسرتها، وتهمل حياتها الشخصية وراحتها في كل الاوقات.

- تقضي الأم وقتاً طويلا مع أطفالها عندما يشعرون بالملل، أو الحاجة إلى من يشاركهم نشاطاتهم المسلية، أو اثناء تدريسهم وتعليمهم. 

 -  تؤمن الام الأمان والدفء والسكينة لاطفالهم، وتشاركهم همومهم اليومية البسيطة، تساعدهم على تجاوز المحن، تقدم لهم النصحية اينما احتاجوها.

لا تعد ولا تحصى تضحيات الام ذكرت الاهم منها

 

كيف نرد الجميل

- اشكر والدتك على سهرها ليال طويلة على راحتك، ورعايتك طفلاً، وحرمت نفسها من النوم والراحة، لتوفرهما لك.

- احرص على راحتها بعد ان سرقت السنوات منها الصحة والعافية.

- رد جميل ابويك بالاحسان وابتعد عن الاجحاف.

دمتم بود اصدقائي 

كل عام وامهات العالم بخير وسعادة

كل عام وامي الغالية بخير 

كل عام وانتن بالف خير متابعات مدونتي العظيمات

كل عام والاب بالف بخير

لاتستقيم الحياة الا بكما معا آدم &حواء