مغازلة شامية

 

 

  

كسرة القلب

 

ع فكرة كسرة القلب مو مزحة ...

أوقات بتحس قلبك نكسر لدرجة انو بوجعك عنجد ...

بتبطل تقدر حس بشي_وتفكر ...

" بتنسى تاكل ، بتنسى تحكي "

بتقدر تعد كم شقفة وقع من قلبك ...

بتحس بكل غصة وحرقة ...

جواتنا شغلات كتيرة مكتومة لا قادرين ننساها ولا قادرين نحكيها لحدا ..

بس هي بتحكي عن حالها على هيئة ملل ، عصبية

اكتئاب وحزن من غير سبب !! 

مشاعر طفولية

كنت فكر بصغري أنو كل الي بنحبهم ؛ رح يحبونا ..

وانو الاصدقاء ؛ بيدوموا ..

وانو لما نعمل خير وبنتعامل بنية طيبة مع حدا ؛رح يردلنا اضعاف ..

وأنو القلب الاحمر بالسهمين ؛ هو الحب ..

وأنو اكبر الاوجاع هي وخزة الإبرة ..

وأنو اكبر الهموم هو حل وظايف المدرسة ..

كنت فكر انو أسوء الناس شرشبيل وأنو اخطرهم هو الساحرة الي بكت بطلة فلمي الكرتوني المفّضل ..

وانو اكبر الخيانات هي سرقة قطعة الشوكولا ..

وأننا ننجرح فقط لما بينزل دم من ايدنا ..

كبرت وعرفت

بس كبرت... وعرفت :

كبرت وتعلمت..

-ما كل الي بنحبن رح يحبونا ..

-وانو نادرا ماتلاقي صديق وفي .. ماحدا لحدا ..

-وانو ممكن الي تعمل معو خير يكون اكتر حدا يأذيك بعمرك ..

-الحب مو قلب احمر بسهمين ..

-في اوجاع الروح وكسرة الخاطر ما حدا بيعرفا الا الي داقها ..

-اسوأ الناس هو الي بيتركك بنص الطريق بعد ماغيرت طريقك كرماله ..

-اكبر خيانة بتجيك من الي عطيتو أمانك وقلبك ..

-جروح روحنا ما بتنوصف ..

 

ثرثرة جانبية 

 

تعرفت ع جميع أنواع البشر ماعدا النوع اللي بيعمل مفاجآت و بيجيب هدايا

مدري ليش ما تفشكلت بحدا فيون وانتو ؟