قالت ستي الله يرحمها عبارات بسيطة ليست أقوال وحكم عظماء،
بل كلمات نابعة من اخاديد ووجهها حفرها الزمن وتجاعيد حول عينيها مما مر عليها:
أمثال عن الطبخ
- في ناس بتطبخ رفع عتب.
- وفي ناس طبخها بورجيك العجب.
- وفي ناس نكهة الحب على طبخها غلب.
- وفي ناس بتتفنن وترتب لدرجة إنك تقول وااااو ياللعجب.
- من روعة طبخهم بيتقدم للملوك واعالي الرتب.
- ناس سفرتها بسيطه وناس ملاعقها من ذهب.
- وكلمة تسلم أيديكي بتنسيكي كل التعب.
- اذا اجى الدهر معك ... واحد بيعزمك وواحد بيحلف عليك.
- واذا اجى الدهر عليك .... واحد بيدفشك وواحد بيوقع عليك.
حكم عن الناس
قالت ستي: في ناس بحياتنا عزوة وسند
وفي ناس بحياتنا كمالة عدد وفي ناس ما إلها أساس
وفي ناس بضهرك بتحاااارب بلد "💜
قالت ستي .. من الخسة طعماني ورقة. ومن الجاجة شربني المرقة .
قالت ستي .. ياريت هالبيت يضل مفتوح والحبايب تجي وتروح .
قالت ستي .. يا بيت صبحناك يا بيت مسيناك يا بيت لا تؤاخذنا اليوم مازرناك ...
قالت ستي .. في ناس مناح ومافي منهن
وفي ناس منيح يلي مافي منهن.
قالت ستي ..
بنت الرجال عانت واستعانت وبنت الاندال حطت راسها ونامت .
قالت ستي ..
اللي ما بينطاق دواه الفراق .
قالت ستي ..
المونة بدها ركونة مابدها مرا مجنونة .
قالت ستي ..
في ناس محتاجين لعمليات تجميل. شفط حقد .وزرع مخ .وتبيض قلب. وإصلاح نية وإستئصال لسااان.
قالت ستي ..
ماكل شخص بيحكي فهيم ولا كل شخص بيسكت بهيم .
قالت ستي ..
طالما الجيبة عمرانة الصحاب كترانة .
قالت ستي ..
اذا قلتلك تقبرني لا تحفر وتطمرني .
قالت ستي ..
العشرة يلي هانت ياريتها ماكانت .
اتمنى أن تعجبكم أقوال ستي، كونها أقوال وحكم جميلة.
شاركونا أي حكمة أعجبتكم أكثر؟
تعليقات
إرسال تعليق